IFEVI
Información Xeral de Vigo
Siuada no sur de Galicia, na ría que lle dá nome, a cidade de Vigo é o maior foco de concentración económica e urbana dunha mancomunidade de case medio millón de habitantes. Vigo constitúe un punto de converxencia dos fluxos económicos da Eurorrexión Atlántica e representa un eixo determinante nas relacións co norte de Portugal, unha situación reforzada grazas a unha excelente rede de comunicacións.
O dinamismo industrial da cidade fixo posible encabezar na actualidade o ránking das cidades galegas con maior índice de negocio. Vigo é, ademais, destino para un turismo de calidade que chega á cidade en transatlánticos internacionais.
Cosmopolita e dinámica, a cidade olívica conta cun dos portos marítimos máis importantes do mundo. Enclaves de exquisita beleza (Illas Cíes, areais e praias, miradoiros naturais,...) constitúen, pola súa calidade infraestructural e de servizos, un dos maiores reclamos para descubrir un contorno único. Con marcada identidade propia, a ampla oferta cultural, gastronómica, deportiva e de lecer que ofrece a cidade constitúe, sen dúbida, a mellor garantía para o desenvolvemento integral dunha oferta turística de calidade.
:: Avda. do Aeroporto, 772 :: Cotogrande :: 36318, Vigo :: Pontevedra ::
:: Tlf. +34 986 486 144 :: Fax. +34 986 486 071 :: info@ifevi.com ::
:: Tlf. +34 986 486 144 :: Fax. +34 986 486 071 :: info@ifevi.com ::